You are here

Latse Journals

ལ་རྩེ་དུས་དེབ་བམ་པོ་བརྒྱད་པའི་ ༼༢༠༡༤-༢༠༡༥༽ནང་ལ་གཙོ་བོ་བོད་ཀྱི་དུས་དེབ་ཀྱི་འཕེལ་རིམ་ལོ་རྒྱུས་ལ་ཉམས་ཞིབ་བྱས་ཡོད། དེའི་ནང་ལ་དགེ་འདུན་རབ་གསལ་ལགས་དང་ཨི་སི་རུན་ཨེན་གེལ་ཧར་ཌི། ཚེ་དབང་རྟ་མགྲིན་ལགས་སོགས་ཀྱི་དུས་དེབ་འཕེལ་རིམ་སྐོར་གྱི་ཞིབ་འཇུག་རྩོམ་ཡིག་སྤེལ་ཡོད་པ་དང་། པད་མ་འབུམ་ལགས་ཀྱིས་སྤྱི་ཁྱབ་རྩོམ་སྒྲིག་པའི་འགན་འཁུར་བླངས་ཡོད། ང་ཚོས་ད་དུང་ཐེངས་འདིའི་དུས་དེབ་ནང་ལ་ཨུ་རུ་སུའི་མི་རིགས་རྡོ་རྗེ་ཡིབ་ཀྱི་རང་རྣམ་མཉམ་དུ་བཏོན་ཡོད། ཁོང་ནི་བོད་ཀྱི་དེང་རབས་ལོ་རྒྱུས་ནང་གི་མི་སྣ་གལ་ཆེ་ཞིག་ཡིན། དེ་བཞིན་ཕ་རན་སིའི་ཆོས་དབྱིངས་དབང་མོ་ལགས་ཀྱིས་ཚེ་རིང་དོན་གྲུབ་ཀྱི་བརྩམས་སྒྲུང་གསར་པ་དེར་བསྐྱར་ཞིབ་གནང་བའི་རྩོམ་ཡིག་ཞིག་དང་། སུའུ་བཟན་མེན་ཧེ་ཐྲི་ནས་ང་ཚོའི་དུས་དེབ་ཀྱི་ཆེད་བསྒྲིགས་ལེ་ཚན་གསར་པ། “བོད་ཡིག་དཔེ་མཛོད་ཀྱི་དོ་ར།”ཞེས་པའི་ལེ་ཚན་གྱི་དབུ་འབྱེད་རྩོམ་ཡིག་ལྟ་བུར་ཨ་རིའི་རྒྱལ་ཚོགས་ཀྱི་དཔེ་མཛོད་ཁང་གི་ཨེ་ཤེ་ཡ་སྡེ་ཚན་གྱི་བོད་ཡིག་རྒྱུ་ཆ་ངོ་སྤྲོད་གནང་ཡོད་དོ།་

ལ་རྩེ་དུས་དེབ་བམ་པོ་བདུན་པ་ ༼༢༠༡༡-༢༠༡༢༽དེ་གློག་བརྙན་གྱི་བརྗོད་བྱའི་ཐོག་ལ་རྐང་འཛིན་བྱས་ཡོད། སྔོན་མ་དེ་ལ་ཀུན་ཕན་ཐེབས་རྩ་ཚོགས་པའི་ལ་རྩེ་དུས་དེབ་ཅེས་འབོད། གདན་ཞུས་རྩོམ་སྒྲིག་པ་ཆོས་ཉིད་དབང་མོ་༼ཧྥ་རན་སི།༽མཆོག་གི་སློབ་སྟོན་འོག་ལ། འདོན་ཐེངས་འདིའི་ནང་ལ་སྤྱི་ལོ་༡༩༥༠ནས་བཟུང་བོད་ཀྱི་གློག་བརྙན་གྱི་སྒྱུ་རྩལ་སྐོར་ལ་འཕེལ་རྒྱས་ཇི་ལྟར་བྱུང་ཡོད་པའི་སྐོར་ལ་ཉམས་ཞིབ་བྱས་ཡོད། འདོན་ཐེངས་འདིའི་ནང་ལ་ཞིབ་འཇུག་པ་དང་གློག་བརྙན་བཟོ་སྐྲུན་པ་མི་འདྲ་བ་འགའ་ཤས་ཀྱི་རྩོམ་སྤེལ་ཡོད་པ་སྟེ། པད་མ་ཚེ་བརྟན་དང་། བསྟན་འཛིན་བསོད་ནམས། རོ་སྦར་ཊི་སྦར་ནེ་ཊི། བསོད་ནམས་རྒྱལ། དེ་བཞིན་ལྦེ་ནེ་ས་ཧྥ་རང་སྦེལ་ལ་སོགས་ཀྱི་ཆེད་རྩོམ་དང་དཔྱད་རྩོམ་སྤེལ་ཡོད། དེ་བཞིན་དུས་དེབ་འདིའི་ནང་ལ་པད་མ་འབུམ་ནས་ཞིང་གཤེགས་མགོན་པོ་ཚེ་རིང་ལ་དྲན་གསོ་ཞུ་བའི་ཆེད་རྩོམ་ཞིག་དང་། ཀལ་སྡེ་བྲེག་ཛེ་ནི་དང་དགེ་འདུན་རབ་གསལ་ལགས་ཀྱི་གསར་འཐོན་དེབ་གཉིས་ལ་བསྐྱར་ཞིབ་མཛད་པའི་ཆེད་རྩོམ་གཉིས་ཀྱང་སྤེལ་ཡོད་དོ།